Kabul chana (Chhole, Safed chana) khane ke fayde

Kabuli Chana (Chhole, Safed chana, White Chickpeas, White Gram) khane se kya fayde aur Benefits hote hain?          Chana hamari seh...

Kabuli Chana (Chhole, Safed chana, White Chickpeas, White Gram) khane se kya fayde aur Benefits hote hain?   

  

Chana hamari sehat ke liye faydemand hota hain. Yeh baat aap sabhi log acchi tarah se jante hain. Lekin kya jante hain ki Safed Chana Jinhe Chhole ya Kabuli chana ke naam se bhi jana jata hain. Veh bhi hamari sehat ke liye faydemand hota hain. Yeh khane mein bahut hi tasty hota hain.  

  
   Chhole mein jyada matra mein Protein aur fiber paya jata hain. Jo ki aapke wajan ko control karne mein kafi faydemand hain. Iske saath hi yeh hamare beauty ke liye bhi labhkari hain. Janiye chhole (Safed Chana/Kabuli Chana) khane se hame kya-kya fayde hote hain.   
 

   • Blood pressure control mein rakhe :- Chhole mein adhik matra mein Potassium aur Manganese paya jata hain, Jo ki body ke electrolytes ke balance ko banaye rakhne mein help karte hain. Saath hi hypertension se peedit logo ki rakt vaahikaao mein privartan ko ult kar blood pressure ko kam kar dete hain.

• Mahilaon ke hormones ke level ko control kare :- Chhole mein jyada matra mein Phytonutrients hote hain. Jo ki ladies mein breast cancer hone ke khatre ko kam karte hain aur Estrogen Hormone ka blood level maintain karke aapko Osteoporosis se bachate hain.

• Anemia se bachaye :- Chhola mein bharpoor matra mein Iron paya jata hain. Jo ki aapke sharir mein khoon ki kami ko pura karta hain. Isliye Chhole jaroor khane chahiye. Khas karke pregnant woman ko, Period ke time iska sewan jaroor karna chahiye.

• Jhurriyo aur Daag-dhabbo ko door kare :- Isme paye jane wale tatv aapko jhurriyo aur daag-dhabbo se nijat dilate hain.

• Wajan kam karne mein helpful :- Chhole mein jyada matra mein Fiber hota hain. Jisse aapka wajan asaani se ghat sakta hain. Iska sewan karne se aapko jyada der tak bhookh nahi lagegi. Jisse aapka wajan nahi badhega. Saath hi yeh protein ka bahut hi accha source bhi hain.

• Pachan se related dikkato se nijat dilaye :- Chhole mein high quality ka fiber paya jata hain. Jo pachan se related problems ko door karta hain aur saath hi Aant ko bhi theek rakhta hain. Isme paya jane wala Protein, Vitamin, Minerals aur Fibers se kabz jaise rog hone ka khatra kam hota hain.

• Diabetes ke mareezo ke liye faydemand :- Chhole mein kam matra mein Glycemic Index hota hain. Jiski wajah se Sugar control karne mein yeh faydemand saabit hota hain. Saath hi yeh khoon mein dheemi speed se glucose ko release karta hain aur aapke blood sugar level ko control mein rakhta hain. Saath hi ghulansheel fiber, protein aur iron se sugar level contol mein rahta hain.