Angoor se hote hain yeh behatarin fayde

  Garmiya aate hi aap thandi-thandi cheezo ko khana shuru kar dete hain aur saath hi garmiyo mein aane wale phalo ko aap khate hain. J...

 

Garmiya aate hi aap thandi-thandi cheezo ko khana shuru kar dete hain aur saath hi garmiyo mein aane wale phalo ko aap khate hain. Jaise tarbooz aur angoor. Aap bhi garmiyo mein Angoor jaroor hi khate honge. Angoor hamare aankho ki roshini ke liye bahut hi faydemand mani jati hain.

Aap soch rahe honge ki gajar khane se bhi aankho ki roshini badhti hain, toh samajh lijiye gajar ki tarah angoor bhi aankho ke liye bahut hi faydemand hain. Ek research mein yeh baat saamne aayi hain ki Angoor mein Oxidative paya jata hain, jo hamari eyes ke liye faydemand hota hain.

Expert ka kahna hain ki rojana angoor ko apni diet mein shamil karne se yeh oxidative stress ki mauzoodagi mein retina ko healthy rakhne mein help karta hain. Research se yeh pata chala hain ki daily grapes khane se stress kam hota hain aur aankho ki roshini bhi theek rahti hain. Aaiye jante hain Angoor khane se hame aur kya-kya labh hote hain. (Benefits of eating Grapes in Hindi/Urdu.)

• Angoor khane se blood circulation mein sudhaar aata hain aur yeh blood pressure ko bhi sahi rakhne mein madad karta hain.

• Angoor mein Bacteria ko door karne ki power hoti hain aur saath hi Asthma ke mareezo ke liye bhi faydemand hain.

• Angoor mein Vitamin A ki matra kafi payi jati hain jo hamare bhookh ko badhata hain aur digestive system ko bhi tandarust rakhta hain.

• Angoor mein Anti-Oxidants paye jate hain jo wajan ko kam karne mein helpful hain.

• Angoor mein Vitamin C paya jata hain jo ki Anti-Aging ke roop mein hamare liye kaam karta hain, Iske sewan se wrinkles khatm hote hain.

• Angoor khane se aankho ki roshini badhti hain aur yeh aankho ke liye gajar ki tarah hi faydemand hain.

• Angoor mein Vitamins, Calcium, Copper aur Zinc bhi hota hain jo hamare baalo aur skin mein chamak lata hain.

• Angoor mein Flavonoids paya jata hain, Khas karke kaale angoor mein yeh aur bhi jyada paya jata hain jo heart ki problems ko door karne mein help karte hain.

• Angoor mein iron bharpoor matra mein paya jata hain, Jisse yeh anaemia ki bimari mein bahut hi faydemand hain. Ise rojana khane se khoon badhta hain.

Toh aapne jana ki Angoor (Grapes) khane se hame kya fayde hote hain. Ummed hain ki aapko yeh article pasand aaya hoga. Refined Post ko Facebook par jaroor like kare. Thanks for Reading full article.